Ang Antas ng wika ay kadalasang ginagamit upang magsisilbing epektibo ang komunikasyon kung saan siya ay nakikipag-ugnayan sa lipunan. Ito rin ay naglalarawan ng iba’t ibang antas-panlipunan na nagpapakita ng kasanayan at pag-unlad ng isang tao sa pagsusuri ng wika. Mahalagang maunawaan natin kung ano ang antas ng wika upang maging bahagi ng pagkakakilanlan at karanasan ng isang tao. Halina at sama-sama nating pag-aralan ang antas ng wika.

Bakit Mahalaga ang Antas ng Wika?

Ang wika ay saligan ng ating ugnayan, pagpapahayag, at pagpapahayag ng ideya. Sa pag-usad ng panahon, natuklasan ng mga eksperto sa wika ang iba’t ibang antas nito, na nagpapakita ng mga aspeto ng buhay ng tao. Sa likas na talento ng bawat isa sa pinakamataas na antas ng pisikal at intelehensya, nagkakaroon tayo ng kakayahan na gamitin ang iba’t ibang anyo ng wika upang ipahayag ang ating sariling mga opinyon. Mahalaga ang antas ng wika dahil ito ang nagbibigay ng kapangyarihan sa atin upang magtagumpay sa mga larangan at maipahayag ang ating damdamin sa iba’t ibang sitwasyon, pati na rin ang tumutukoy sa ating kasanayan sa pakikisalamuha, pagsusulat, at pag-unawa sa wika.

Mga Antas ng Wika

Pormal na Wika

Ang Pormal na wika ay mga salitang standard dahil ito ang kinikilala at tinatanggap sa lipunan. Ginagamit ito sa mga usapang pormal. Sa angat ng kalidad ng wika na ginagamit ng bawat-isa, nagiging mapanuri at mapili sila sa mga salitang kanilang ginagamit, lalo na ang mga propesyonal at may mga responsibilidad sa lipunan.

Pampanitikan

Gumagamit ang mga manunulat ng mga mabulaklak na mga salita. Ito’y kanilang ginagamit upang mahikayat ang mga mambabasa. Ang mga salitang may mataas na antas ay puno ng hiraya na lalong nagbibigay ng interes sa mga nagbabasa. Ito ang madalas makita sa mga klasikong akda ng Panitikang Filipino.

Ang pagtangkilik at paggamit ng ating sariling Panitikan ay lubhang mahalaga, ito’y ipinagpapatuloy upang hindi tuluyang mawala sa ating kasaysayan. 

Halimbawa:

• “Florante at Laura” ni Francisco Baltazar 
• Mga akda ni Jose Rizal na “Noli Mi Tangere” at “El Filibusterismo.” 
• “Ibong Adarna” ni Jose de la Cruz

Pambansa

Ang wikang pambansa ay sumasalamin sa mga salitang karaniwang ginagamit sa mga aklat na tumatalakay sa wika at balarila. Ito ang wikang ginagamit sa mga paaralan, pamahalaan, at sa iba pang mahalagang dokumento at talakayan. Sa larangan ng media, maging ito’y radio at telebisyon, ang wikang pambansa pa rin ang pangunahing ginagamit. Sa sining, partikular sa teatro, hindi rin nakakalimutan ang paggamit ng wikang pambansa. 

Halimbawa:

• Mga salitang ginagamit sa ating Saligang Batas
• Mga salitang ginagamit sa Paaralan
• Mga salitang ginagamit sa Panayam

Impormal na Wika

Simula sa pagsilang ng tao, natututunan na ang unang salita na nai-uri bilang impormal na wika. Kasama rito ang mga salitang karaniwang ginagamit araw-araw na madalas nating marinig at gamitin sa loob ng tahanan. Tinatawag na “impormal” dahil hindi kinakailangan ang paaralan upang matutunan ang mga ito. Sapagkat maaari natin itong sabihin sa paraan na nais nating ipahayag sa ating kausap.

Lalawiganin

Ang lalawiganin ay ang uri ng wika na ginagamit ng isang tao depende sa lugar kung saan siya naninirahan. Bawat probinsya o rehiyon ay may sariling wika o lengguwahe na kanilang ginagamit. Tinatawag ang mga salitang ito bilang “lalawiganin,” at sa pamamagitan ng mga wikang ito, nagkakaroon ang bawat indibidwal ng kanyang sariling tatak o pagkakakilanlan kahit saan man siya magpunta.

Halimbawa:

• “Magayon” salitang Bikolano na nanganghulugang maganda
• “Inapoy” salitang Ilokano na ang ibig sabihin ay kanin
• “Tanum” salitang Hiligaynon na ang ibig sabihin ay halaman

Balbal 

Mula sa mga wikang panlalawigan, ang mga tao ay natutunan rin ang paggamit ng mga salitang balbal. Madalas gamitin ang mga ito sa pang-araw-araw na komunikasyon, partikular na ng mga kabataang milenyal. Ngunit maaaring ito’y maging hindi katanggap-tanggap sa mga may gulang dahil sa kanyang malupit at malabis na kahulugan. Balbal ang tawag sa slang o mga salitang inihango sa isang wika o inimbento para magkaroon ng sariling kahulugan. 

Halimbawa:

• “Erpat” na may pormal na kahulugang “tatay o ama”
• “Tsikot” na may pormal na kahulugang “kotse”
• “Echos” na may pormal na kahulugang “hindi totoo, biro lang”

Kolokyal

Ang kolokyal ay nagtataglay ay mga salitang may kagaspangan ngunit maari rin namang maging maayos batay sa kung sino ang nagsasalita. Maari itong maging wikang ingles na may kahalong wikang Filipino. Madalas na ito ay ang mga salitang pinaikli.

Halimbawa:

• Ewan – may pormal na baybay bilang “aywan”
• Kako – may pormal na baybay na “wika ko”
• Tena – may pormal na baybay na “tayo na”

Ang pagtataya ng antas ng wika ay maaaring batay sa iba’t ibang aspeto tulad ng gramatika, bokabularyo, pagsasalita, at pagsulat. 

Pangunahing Pagtataya sa Antas ng Wika

Pag-aaral o Pagsusuri (Academic Level)

Ito ay naglalarawan sa kasanayan ng isang tao sa pagsusuri at pag-aaral ng wika sa isang akademikong konteksto. Kasama rito ang kasanayan sa pagsusuri ng teksto, pagsulat ng mga sanaysay, at pagsasanib ng iba’t ibang anyo ng teksto.

Propesyonal na Antas

Ito ay nagsasaad ng kasanayan sa wika ng isang propesyonal. Kasama rito ang pagsulat ng mga opisyal na dokumento, presentasyon, at iba pang komunikasyon sa loob ng isang organisasyon o industriya.

Sosyal na Antas

Ito ay naglalarawan ng kasanayan ng isang tao na makipag-ugnayan sa iba’t ibang sektor ng lipunan. Kasama rito ang paggamit ng wika sa pang-araw-araw na pakikipag-usap, pagsasalita sa mga okasyon, at pagpapahayag ng opinyon.

Pang-internasyonal na Antas

Ito ay naglalarawan ng kasanayan ng isang tao sa pagsasalita at pagsulat ng wika sa konteksto ng internasyonal na komunikasyon. Kasama rito ang kakayahang makipag-usap sa iba’t ibang wika, partikular na sa mga international forum.

Teknikal na Antas

Ito ay nagsasaad ng kasanayan ng isang tao sa pag-unawa at paggamit ng teknikal na bokabularyo at pagsulat sa mga larangan tulad ng agham, teknolohiya, at iba pang espesyalisadong konteksto.

Ang antas ng wika ay maaaring mag-iba depende sa karanasan, edukasyon, at pangangailangan ng isang tao. Ito ay patuloy na nagbabago at umuunlad.

Frequently Asked Questions (FAQs)

Paano matutukoy ang antas ng wika ng isang tao?

Ang antas ng wika ng isang tao ay maaaring matukoy sa pamamagitan ng pagsusuri sa kanyang pagsasalita, pagsusulat, at pang-unawa ng wika. Maaaring gamitin ang mga pagsusulit, pagsusuri ng akda, at pakikipag-komunikasyon.

Paano naiimpluwensyahan ng kultura ang antas ng wika?

Ang kultura ay naglalarawan ng mga kaugalian, tradisyon, at paraan ng pamumuhay ng isang tao o komunidad. Ang antas ng wika ay maaaring maging bunga ng kultura dahil ang wika ay bahagi ng pagkakakilanlan at karanasan ng isang tao.

Paano nakakaapekto ang antas ng wika sa komunikasyon?

Ang antas ng wika ay maaaring magkaroon ng epekto sa komunikasyon sa pamamagitan ng pakikipag-ugnayan at magkaunawaan sa mas maraming tao, samantalang ang mga taong may mababang antas ng wika ay maaaring magkaroon ng mga limitasyon sa komunikasyon.

Konklusyon 

Mahalaga ang pag-unawa sa antas ng wika upang masiguro ang epektibong komunikasyon at pagkakaintindihan sa pagitan ng mga tao. Sa pamamagitan ng pagkilala sa iba’t ibang antas ng wika, maaari nating mapalakas ang ating kakayahan na makipag-ugnayan at makipagtalastasan sa iba’t ibang konteksto at sitwasyon. Ang pagsasanay at pagpapaunlad sa ating kasanayan sa wika ay naglalayong mapataas ang antas ng kaalaman at husay sa komunikasyon, na may positibong epekto sa personal at propesyonal na buhay ng bawat isa. Sa gayon, mahalaga na bigyan ng pansin at halaga ang pag-aaral at pagpapaunlad ng antas ng wika.